وجع المظلوم مش مجرد حزن…
ده وجع ساكت، مابيصرخش بس بيكسر من جواه حتة حتة.
هو اللي بيضحك عادي قدام الناس، لكن أول ما يبقى لوحده… قلبه ينهار من كتر اللي شايله.
وجع المظلوم تقيل…
تقيل لأنه شايف الحق بعنيه ومش قادر يوصله،
وساكت مش ضعف… ساكت عشان عارف إن ربنا شايف وسامع.
وجع المظلوم مش بيضيع…
كل دمعة ليها حساب، وكل كسرة ليها جبر،
وكل وجع اتحمل في صمت… ربنا بيبدله بقوة ما كانتش في الحسبان.
المظلوم مش خسران…
حتى لو خسر ناس، خسر راحة، خسر لحظات…
كفايه إنه كسب ربنا، وربنا عمره ما بيخذل حد لجأ له.
وفي يوم…
هيجي اليوم اللي كل حاجة هتترد،
واللي وجّع هيحس، واللي كسر هيتكسر،
وساعتها المظلوم هيبص ورا ويقول:
"الحمد لله إني سبتها على ربنا…
لأنه جبرني جبر خلاني أنسى كل اللي فات."🖤
منار سامى محمد